«KMG-Security» ЖШС филиалдарында Қазақстан Республикасының күзет ұйымдары қызметкерлерінің күніне арналған салтанатты іс-шаралар болып өтті. Мерекелік жиындар компанияның жақсы дәстүріне айналған және объектілер мен персоналдың қауіпсіздігін күнделікті қамтамасыз ететін жұмысшылар еңбегінің маңыздылығы мен жауапкершілігін мойындаудың символына айналды.

Іс-шаралар барысында жоғары кәсібилік, адалдық және қызметтік міндеттерін орындауға жауапкершілікпен қараған үздік қызметкерлерге құрмет грамоталары мен алғыс хаттар табыс етілді. Филиал басшылары қызметкерлердің компанияны дамытуға және объектілердегі қауіпсіздіктің жоғары деңгейін қолдауға қосқан елеулі үлесін атап өтті.

Күзет қызметінің ардагерлеріне ерекше назар аударылды, олардың көпшілігі көптеген жылдар бойы компанияда жұмыс жасаған жандар. Мәселен, Қарағанды филиалында «KMG-Security» ЖШС-ның 25 жылдығына орайластырылған мерейтойлық белгілермен 36 қызметкер өз мамандығына адалдығы мен көп жылдық еңбегі үшін марапатталды.

Мұндай іс-шаралар корпоративтік рухты нығайтуға, қызметкерлердің ынтасын арттыруға және компанияның үздік дәстүрлерін сақтауға ықпал етеді. «KMG-Security» ЖШС басшылығы барлық қызметкерлерге адал қызметі, кәсібилігі және қауіпсіздікті қамтамасыз етуге қосқан үлесі үшін алғыс білдіреді.