2026 жылғы 23-27 ақпан аралығында «KMG-Security» ЖШС басшылығы бас директор және оның орынбасарлары орындарға шығып, Астана қаласы бойынша АКБ және Қарағанды, Павлодар филиалдарының еңбек ұжымдарымен жұмыс кездесулерін өткізді.

Кездесулер барысында компания жұмысының 2025 жылы қол жеткізілген негізгі көрсеткіштері айтылды. Олардың ішінде - көрсетілетін қызметтердің сапасын және тапсырыс берушілер тарапынан қанағаттану деңгейін арттыру, еңбек жағдайларын жақсарту және қызметкерлерді әлеуметтік қолдау, өндірістік қызметпен байланысты жазатайым оқиғаларға жол бермеу, сондай-ақ қауіпсіздік саласында жаңа технологиялар мен инновациялық шешімдерді енгізу.

Филиал қызметкерлері компанияның ағымдағы жоспарларымен және даму перспективаларымен, соның ішінде өсудің негізгі бағыттарымен, алдағы жылдарға арналған стратегиялық бастамалармен танысты.

Іс-шаралар ашық диалог форматында және өзара құрмет пен сенім атмосферасында өтті, онда қызметкерлер жұмыс жағдайларына, әлеуметтік қамсыздандыруға, біліктілікті арттыруға және Серіктестік қызметінің басқа да маңызды аспектілеріне қатысты кез келген сұрақтар қоя алды.

Сонымен қатар, кездесулер аясында, Серіктестік басшылығы ағымдағы жылғы 15 наурызда өтетін жаңа Конституция жобасы бойынша республикалық референдумға қатысты түсіндіру жұмыстарын жүргізді. Бір палаталы парламентке (Құрылтай) көшуге, вице-президент лауазымын құруға, цифрлық ортада азаматтардың құқықтарын қорғауды күшейтуге және «Заң және тәртіп» қағидатын бекітуге қатысты негізгі өзгерістер жеткізілді.

Серіктестіктің әрбір қызметкерінің референдумға қатысуының маңыздылығына, елдің болашағына өз үлесін қосу мақсатында азаматтық борыш пен белсенді ұстанымның көрінуіне баса назар аударылды.

Жалпы, еңбек ұжымдарымен осындай кездесулер өткізу басшылық пен өндірістік персонал арасындағы ашықтық пен сенімділікті арттыруға бағытталған маңызды қадам болып табылатыны атап өтілді. Бұл тәсіл күшті корпоративтік мәдениетті қалыптастыруға ықпал етеді, онда әр қызметкер өзінің маңыздылығын және компания процестеріне қатыстылығын сезінеді.